ಬೃಂದಾವನ ಶಾಲೆಯಲ್ಲಿ ನಡೆದ ಆಟ – ಪಾಠ ಶಿಬಿರದ ಸಮಾರೋಪ ಸಮಾರಂಭದ ವರದಿ

ಅದಮ್ಯ ಚೇತನ ಸಂಸ್ಥೆ ಕಳೆದ ಹಲವಾರು ವವರ್ಷ ಗಳಿಂದ ಅನ್ನ  ಅಕ್ಷರ  ಆರೋಗ್ಯ ಕ್ಷೇತ್ರದಲ್ಲಿ ವಿವಿಧ ಪ್ರಕಲ್ಪಗಳ ಮೂಲಕ ಅನೇಕ ಸಾಮಾಜಿಕ ಸೇವೆಯನ್ನು ಮಾಡುತ್ತಾ ಬಂದಿದೆ. ಪ್ರತಿದಿನ 320 ಶಾಲೆಗಳ ಸುಮಾರು 70,000 ಮಕ್ಕಳಿಗೆ ಮಧ್ಯಾಹ್ನದ ಬಿಸಿಯೂಟವನ್ನು ಒದಗಿಸುವ ಬೃಹತ್ ಕಾರ್ಯವನ್ನು ಮಾಡುತ್ತಿದೆ. ದಿನಾಂಕ 18.1.12 ರಿಂದ 20.1.12ರವರೆಗೆ 3 ದಿನಗಳ ಆಟ – ಪಾಠ ಶಿಬಿರವನ್ನು ಬೃಂದಾವನ ಹಿರಿಯ ಪ್ರಾಥಮಿಕ ಶಾಲೆ, ಬೃಂದಾವನನಗರ, ಗವೀಪುರಂ ಬಡಾವಣೆ, ಹನುಮಂತನಗರ, ಬೆಂಗಳೂರು, ಇಲ್ಲಿ ಹಮ್ಮಿಕೊಳ್ಳಲಾಗಿತ್ತು. ಈ ಶಿಬಿರದ ಸಮಾರೋಪ ಸಮಾರಂಭವನ್ನು ದಿನಾಂಕ 20.1.2012ರಂದು ಬೆಳಗ್ಗೆ 11.30ಕ್ಕೆ ಮೇಲ್ಕಂಡ ಶಾಲೆಯಲ್ಲಿ ಆಯೋಜಿಸಗಿತ್ತು. ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಅದಮ್ಯ ಚೇತನ ಸಂಸ್ಥೆಯ ಅಧ್ಯಕ್ಷರಾದ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್‌ರವರು ಆಗಮಿಸಿದ್ದರು. ಬಿ.ಜೆ.ಪಿ. ಹನುಮಂತನಗರ ವಾರ್ಡ್ ಅಧ್ಯಕ್ಷರಾದ ಶ್ರೀ ಪಿಳ್ಳಪ್ಪ, ಕಾರ್ಯದರ್ಶಿಗಳಾದ ಶ್ರೀ ಅನಂತು ಹಾಗೂ ಶ್ರೀ ಕೃಷ್ಣಪ್ಪ ರವರು ಅತಿಥಿಗಳಾಗಿ ಆಗಮಿಸಿದ್ದರು. ಸಮಾರೋಪದ ಅಧ್ಯಕ್ಷತೆಯನ್ನು ಶ್ರೀಮತಿ ಪದ್ಮರವರು ವಹಿಸಿದ್ದರು. ಅದಮ್ಯ ಚೇತನದ ಆಟ ಪಾಠ ಶಿಬಿರದಲ್ಲಿ 2 ದಿನಗಳಲ್ಲಿ ಕಲಿತ ಪ್ರತಿಭಾ ಪ್ರದರ್ಶನದಲ್ಲಿ ನಾಟಕ, ನೃತ್ಯ, ಕರಕುಶಲ ಕಲೆಯನ್ನು ವೇದಿಕೆಯ ಮೇಲೆ ಪ್ರದರ್ಶಿಸಿದರು. ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್‌ರವರು ಮಾತನಾಡಿ, ಆಟ – ಪಾಠ – ದಿನಕ್ಕೊಂದು ಪುಟ ಅಂತ ನೀವು ಇಲ್ಲಿ ಕಲಿತ ವಿಷಯವನ್ನು ನಿಮ್ಮ ಜೀವನದಲ್ಲೂ ಅಳವಡಿಸಿಕೊಳ್ಳಬೇಕು ಎಂದು ತಿಳಿಸಿದರು. ಶ್ರೀ ಅನಂತುರವರು ವೇದಿಕೆಯಲ್ಲಿದ್ದ ಎಲ್ಲಾ ಗಣ್ಯರಿಗೆ ಶಾಲು ಹೊದಿಸಿ ಗೌರವಿಸಿದರು. ಈ ಕಾರ್ಯಕ್ರಮದಲ್ಲಿ ಪ್ರಾರ್ಥನೆಯಿಂದ ವಂದನಾರ್ಪಣೆಯವರೆಗೂ ಶಾಲೆಮಕ್ಕಳೇ ನಡೆಸಿಕೊಟ್ಟಿದ್ದು ವಿಶೇಷವಾಗಿತ್ತು.

ಕನ್ನಡಪ್ರಭ 31-01-2012, ಪುಟ 4

ಹೊಸದಿಗಂತ 21-01-2012 ಪುಟ 4

ಅದಮ್ಯ ಚೇತನ

(ಶ್ರೀಮತಿ ಗಿರಿಜಾ ಶಾಸ್ತ್ರಿ ಸ್ಮಾರಕ ಸಂಸ್ಥೆ)

ಅದಮ್ಯ ಚೇತನ ಸಂಸ್ಥೆ ಕಳೆದ ಹಲವಾರು ವರ್ಷಗಳಿಂದ ಅನ್ನ – ಅಕ್ಷರ – ಆರೋಗ್ಯ ಕ್ಷೇತ್ರಗಳಲ್ಲಿ ವಿವಿಧ ಪ್ರಕಲ್ಪಗಳ ಮೂಲಕ ಸಾಮಾಜಿಕ ಸೇವೆಯನ್ನು ಮಾಡುತ್ತಾ ಬಂದಿದೆ. ಬೆಂಗಳೂರು ಲೋಕ ಸಭಾ ಸದಸ್ಯರು ಹಾಗೂ ಭಾ.ಜ.ಪ. ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಗಳಾದ ಶ್ರೀ ಅನಂತ ಕುಮಾರವರ ಮಾರ್ಗದರ್ಶನದಲ್ಲಿ ನಡೆಯುತ್ತಿರುವ ಅದಮ್ಯ ಚೇತನ ಸಂಸ್ಥೆಯು 4 ಅಡುಗೆ ಕೇಂದ್ರಗಳಿಂದ 2 ಲಕ್ಷಕ್ಕೂ ಹೆಚ್ಚು ಮಕ್ಕಳಿಗೆ ಮಧ್ಯಾಹ್ನದ ಊಟ (ರಾಜ್ಯ ಹಾಗೂ ಕೇಂದ್ರ ಸರ್ಕಾರದ ಸಹಯೋಗದಲ್ಲಿ), ಆಟಪಾಠ, ಆರೋಗ್ಯ ಚೇತನ, ಚಿಣ್ಣರ ಚೇತನ – ಮಕ್ಕಳ ಗೋಡೆ ಪತ್ರಿಕೆ, ಸುಭಿಕ್ಷ ಗ್ರಾಮ ಯೋಜನೆ ಇತ್ಯಾದಿ ಹತ್ತು ಹಲವು ಸೇವಾ ಚಟುವಟಿಕೆಗಳನ್ನು ಮಾಡುತ್ತಿದೆ. ಪ್ರತಿವರ್ಷ ಡಿಸೆಂಬರ್ 31ರಂದು ವಿಶಿಷ್ಟ ಸಾಂಸ್ಕೃತಿಕ ಕಾರ್ಯಕ್ರಮ, ವಿವಿಧ  ಸ್ಪರ್ಧೆಗಳು ಹಾಗೂ ವಿಶೇಷ ಪ್ರದರ್ಶಿನಿಗಳೊಂದಿಗೆ  ವಾರ್ಷಿಕೋತ್ಸವವನ್ನು ಆಚರಿಸುತ್ತ ಬಂದಿದೆ.

ಈ ವರ್ಷವೂ ಸಹ ಅದಮ್ಯ ಚೇತನ, ಸಂಸ್ಥೆಯ  ವಾರ್ಷಿಕೋತ್ಸವ ಹಾಗೂ ನೂತನ ವರ್ಷ 2012 ನ್ನು ವಿಶಿಷ್ಠ ರೀತಿಯಲ್ಲಿ ಸಂಭ್ರಮದಿಂದ ಸ್ವಾಗತಿಸಲು  ತೀರ್ಮಾನಿಸಿ, ಡಿಸೆಂಬರ್ 30, 31, 2011 ಹಾಗೂ ಜನವರಿ 1, 2012 ರಂದು ನ್ಯಾಷನಲ್ ಕಾಲೇಜು ಮೈದಾನ, ಬಸವನಗುಡಿಯಲ್ಲಿ ನಮ್ಮ ದೇಶ, ನಮ್ಮ ಸಂಸ್ಕೃತಿ ಎಂಬ ಉದ್ಘೋಷದೊಂದಿಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳು, ರಾಮಾಯಣ ಕಾರ್ನಿವಲ್ (ಮೇಳ) ಪ್ರದರ್ಶಿನಿಯನ್ನು ಹಮ್ಮಿಕೊಂಡಿತ್ತು.

ಇದರ ಮೊದಲ ಅಂಗವಾಗಿ, ‘ಅನ್ನಪೂರ್ಣ’ ದಿಂದ ಮಧ್ಯಾಹ್ನದ ಬಿಸಿಯೂಟ ಸರಬರಾಜಾಗುತ್ತಿರುವ ಸರ್ಕಾರಿ/ ಅನುದಾನಿತ, ಪ್ರಾಥಮಿಕ ಮತ್ತು ಪ್ರೌಢಶಾಲೆಯ  ವಿದ್ಯಾರ್ಥಿಗಳಿಗೆ ಅಂತರ್ಶಾಲಾ ಮಟ್ಟದಲ್ಲಿ ಚಿತ್ರಕಲೆ, ಸಚಿತ್ರಕಥೆ ಮತ್ತು ಪ್ರಬಂಧ ಸ್ಪರ್ಧೆಗಳು ಹಾಗೂ ಶಿಕ್ಷಕರಿಗೆ ‘ಗೋಡೆ ಪತ್ರಿಕೆ’ ಮತ್ತು ನಮ್ಮ ಸಂಸ್ಕೃತಿಯ ಮಾದರಿಗಳನ್ನು ತಯಾರು ಮಾಡುವ ವಿನೂತನ ಸ್ಪರ್ಧೆಗಳನ್ನು ನಡೆಸಲಾಯಿತು. ಮಕ್ಕಳು ಹಾಗೂ ಶಿಕ್ಷಕರು ಆಸಕ್ತಿಯಿಂದ ಭಾಗವಹಿಸಿದರು.

ಅಂತರ ಶಾಲಾ ಸ್ಪರ್ಧೆಗಳಲ್ಲಿ ವಿಜೇತರಾದವರ ವಿವರ

ಚಿತ್ರಕಲೆ ಸ್ಪರ್ಧೆ – ವಿಕ್ರಮ ವಿಭಾಗ (1 – 4ನೇ ತರಗತಿ)

ಪ್ರಥಮ                                     ಸಿಂಧುಶ್ರೀ 4 ಕರ್ನಾಟಕ ವಿದ್ಯಾಸಂಸ್ಥೆ, ಮಾಗಡಿ ರಸ್ತೆ

ತೃತೀಯ                                  ಆರ್.ಜಯಶ್ರೀ 4 ಕರ್ನಾಟಕ ವಿದ್ಯಾಸಂಸ್ಥೆ, ಮಾಗಡಿ ರಸ್ತೆ

ಸಚಿತ್ರಕಥೆ ಸ್ಪರ್ಧೆ  - ಚಂದ್ರಗುಪ್ತ ವಿಭಾಗ (5 – 7ನೇ ತರಗತಿ)

ಸಚಿತ್ರಕಥೆ ಸ್ಪರ್ಧೆ – ಕೃಷ್ಣದೇವರಾಯ ವಿಭಾಗ (8 – 10ನೇ ತರಗತಿ)

ಪ್ರಥಮ                               ಶಿವಾನಂದ ವೈ. 9 ಸ.ಪ್ರೌಢ, ಸರ್ಜಾಪುರ

ಪ್ರಬಂದ ಸ್ಪರ್ಧೆ  - ಚಂದ್ರಗುಪ್ತ ವಿಭಾಗ (5 – 7ನೇ ತರಗತಿ)

ಪ್ರಬಂಧ ಸ್ಪರ್ಧೆ  – ಕೃಷ್ಣದೇವರಾಯ ವಿಭಾಗ (8 – 10ನೇ ತರಗತಿ)

ತೃತೀಯ                               ಕಾರ್ತಿಕೇಯ ಎಸ್. 9 ಉಮೆನ್ಸ್ ಪೀಸ್ ಲೀಗ್

ಶಿಕ್ಷಕರಿಗಾಗಿ ಗೋಡೆಪತ್ರಿಕೆ ಮಾದರಿ ಸ್ಪರ್ಧೆ

ಶಿಕ್ಷಕರಿಗಾಗಿ ಸಂಸ್ಕೃತಿ ಮಾದರಿ ಸ್ಪರ್ಧೆ

ಸಮಾಧಾನಕರ                        ವಿದ್ಯಾ ಸಂತೋಷ್ 　 ಉಮೆನ್ಸ್ ಪೀಸ್ ಲೀಗ್  ಪ್ರೌಢ

ಅದಮ್ಯ ಚೇತನದ ವಾರ್ಷಿಕೋತ್ಸವದ ಪ್ರಯುಕ್ತ ಡಿಸೆಂಬರ್ 30ರ ಬೆಳಗ್ಗೆ 10 ಘಂಟೆಯಿಂದ ಆಟ – ಪಾಠ, ಅನ್ನಪೂರ್ಣ, ಸುಭೀಕ್ಷ ರಾಮತೀರ್ಥದ  ಪ್ರದರ್ಶಿನಿಗಳನ್ನು ಹಾಕಲಾಗಿತ್ತು. ಆ ದಿನ ಶ್ರೀ ಶಾರದಾಮಾತೆಯ ಬೆಂಗಳೂರು ಭೇಟಿಯ ಶತಮಾನೋತ್ಸವ ಕಾರ್ಯಕ್ರಮವಿದ್ದುದರಿಂದ ಆಗಮಿಸಿದ ಅಸಂಖ್ಯ ಜನರು ಪ್ರದರ್ಶಿನಿಗಳನ್ನು ವೀಕ್ಷಿಸಿದರು. ಬಂದ ಎಲ್ಲಾ ಸಹೃದಯರಿಗೆ, ಸಾರ್ವಜನಿಕರಿಗೆ ಅದಮ್ಯಚೇತನ ಸಂಸ್ಥೆಯಿಂದ ಊಟ ತಿಂಡಿಯ ವ್ಯವಸ್ಥೆ ಮಾಡಲಾಗಿತ್ತು. ದಿನಾಂಕ 30-12-2012ರಿಂದ ಜನವರಿ 2ರ ವರೆಗೂ ಹೊಸಗುಡ್ಡದಹಳ್ಳಿ ಸರ್ಕಾರಿ ಪ್ರಾಥಮಿಕ ಶಾಲೆಯ ಆಟ – ಪಾಠದ 17 ಮಕ್ಕಳನ್ನು ಪ್ರದರ್ಶಿನಿಗೆ ಕರೆಸಲಾಗಿತ್ತು. ಇವರು ನಾಟಕ, ಕರಕುಶಲತೆ ಮೂಲಕ ಪ್ರದರ್ಶಿನಿಗಳ ವಿವರಣೆಗಳನ್ನು ಯಾವ ಅಳುಕು ಇಲ್ಲದೆ ಸಹಜವಾಗಿ ನಡೆಸಿಕೊಟ್ಟರು.

ಡಿಸೆಂಬರ್ 30ರಂದು ಸಂಜೆ 7.00ರಿಂದ ಕಾಲೇಜು  ವಿದ್ಯಾರ್ಥಿಗಳಿಂದ ಮೂಕಾಭಿನಯ ಹಾಗೂ ಜನಗಣ ನಾಟಕ ತಂಡದಿಂದ ಬೀದಿ ತುಂಬ ರಂಗದ ತುಂಬ ನಾಟಕ ಏರ್ಪಡಿಸಲಾಗಿತ್ತು. ಶ್ರೀ ಮುಖ್ಯಮಂತ್ರಿ ಚಂದ್ರು ಜ್ಯೋತಿ ಬೆಳಗಿಸುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಬೆಂಗಳೂರು ದಕ್ಷಿಣ ಲೋಕಸಭಾ ಸದಸ್ಯರಾದ ಶ್ರೀ ಅನಂತಕುಮಾರ್, ಸಂಸ್ಥೆಯ ಅಧ್ಯಕ್ಷೆ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್, ಬೆಂಗಳೂರು ನಗರ ಬಿಜೆಪಿ ಅಧ್ಯಕ್ಷರಾದ ಶ್ರೀ ಸುಬ್ಬಣ್ಣರವರು ಮತ್ತು ಅನೇಕ ಗಣ್ಯರು ಕಾರ್ಯಕ್ರಮಕ್ಕೆ ಆಗಮಿಸಿ ನಾಟಕವನ್ನು ವೀಕ್ಷಿಸಿದರು.

ಡಿಸೆಂಬರ್ 31ರಂದು ಬೆಳಗ್ಗೆ 10 ರಿಂದ 2ಘಂಟೆಯವರೆಗೆ ಯುವಕ ಯುವತಿಯರಿಗೆ ಬೀದಿ ನಾಟಕ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು. ಕನ್ನಡ ಮತ್ತು ಸಂಸ್ಕೃತಿ ಸಚಿವ ಶ್ರೀ ಗೋವಿಂದ ಕಾರಜೋಳ, ಬೆಂಗಳೂರು ದಕ್ಷಿಣ ಲೋಕಸಭಾ ಸದಸ್ಯರಾದ ಶ್ರೀ ಅನಂತಕುಮಾರ್ , ಚಲನಚಿತ್ರ ನಟ ಶ್ರೀ ಹೆಚ್.ಜಿ.ಸೋಮಶೇಖರ್ ಡೋಲು ಮತ್ತು ತಮ್ಮಟೆ ಬಡಿಯುವ ಮೂಲಕ ಚಾಲನೆ ನೀಡಿದರು. ಶಾಸಕರಾದ ಶ್ರೀ ರವಿಸುಬ್ರಮಣ್ಯ , ಸಂಸ್ಥೆಯ ಅಧ್ಯಕ್ಷೆ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್, ನಗರಸಭಾಸದಸ್ಯರಾದ ಶ್ರೀ ಸತ್ಯನಾರಾಯಣ, ಶ್ರೀ ಸದಾಶಿವ, ನಗರ ಬಿಜೆಪಿ ಅಧ್ಯಕ್ಷರಾದ ಶ್ರೀ ಸುಬ್ಬಣ್ಣರವರು ಹಾಗೂ ಅನೇಕ ಗಣ್ಯರು ಈ ಕಾರ್ಯಕ್ರಮಕ್ಕೆ ಆಗಮಿಸಿ ನಾಟಕಗಳನ್ನು ವೀಕ್ಷಿಸಿದರು. ಸುಮಾರು 12 ತಂಡಗಳು ಈ  ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವು. ಎಲ್ಲಾ ತಂಡದವರು ಅದ್ಭುತವಾಗಿ ಬೀದಿನಾಟಕಗಳನ್ನು ಪ್ರದರ್ಶಿಸಿದರು. ಜನಗಣ ತಂಡದ ಉತ್ಸಾಹಿ ಕಾಲೇಜು ಯುವಕರು ಬೀದಿನಾಟಕದ ಸ್ಪರ್ಧೆಗಳನ್ನು ತುಂಬಾ ಯಶಸ್ವಿಯಾಗಿ ನಿರ್ವಹಿಸಿದರು. ಅದ್ಭುತವಾಗಿ ಪ್ರದರ್ಶಿಸಿದ 3 ತಂಡಗಳಿಗೆ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಬಹುಮಾನ ನೀಡಲಾಯಿತು. ಪ್ರಥಮ ಬಹುಮಾನ 15,000 ರೂ. ನಗದು, ಪಾರಿತೋಷಕ, ದ್ವಿತೀಯ ಬಹುಮಾನ 10,000 ರೂ. ನಗದು ಹಾಗೂ ತೃತೀಯ ಬಹುಮಾನ 5,000/- ನಗದು ಮತ್ತು ಭಾಗವಹಿಸಿದ ಎಲ್ಲಾ ತಂಡಗಳಿಗೆ ಪ್ರಮಾಣ ಪತ್ರ ನೀಡಲಾಯಿತು.

ಮಧ್ಯಾಹ್ನ 2 ಘಂಟೆಯಿಂದ ಸಾರ್ವಜನಿಕರಿಗೆ, ಪ್ರಬಂಧ, ಭಾಷಣ, ಭಜನೆ, ರಂಗೋಲಿ, ಶ್ಲೋಕ ಹೇಳುವುದು, ಕಥೆ ಹೇಳುವುದು, ರಸಪ್ರಶ್ನೆ ಮುಂತಾದ ಸ್ಪರ್ಧೆಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಸಾರ್ವಜನಿಕರು ಸಂಭ್ರಮದಿಂದ ಈ ಎಲ್ಲಾ ಸ್ಪರ್ಧೆಗಳಲ್ಲಿ ಭಾಗವಹಿಸಿದರು. ಸಂಜೆ 4.30 ಘಂಟೆಯಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಪ್ರಾರಂಭವಾಯಿತು. ಮೊದಲಿಗೆ ಉಪಾಸನಾ ಮತ್ತು ಆಲಾಪನಾ ಶಾಲೆಯ ಮಕ್ಕಳು ಹಾಡುಗಳನ್ನು ಹಾಡಿದರು. 5.30ಕ್ಕೆ ಸನ್ಮಾನ್ಯ ಮುಖ್ಯಮಂತ್ರಿಗಳಾದ ಶ್ರೀ ಡಿ.ವಿ.ಸದಾನಂದ ಗೌಡರು ಆಗಮಿಸಿದರು. ಮೊದಲು ಪ್ರದರ್ಶಿನಿಗಳನ್ನು ವೀಕ್ಷಿಸಿ, ಅದಮ್ಯಚೇತನ ಉತ್ಸವ ಮತ್ತು ರಾಮಾಯಣ ರಮ್ಯೋತ್ಸವ ವನ್ನು ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಸಂಸ್ಥೆಯ ಪ್ರಧಾನ ಪೋಷಕರಾದ ಶ್ರೀ ಅನಂತಕುಮಾರ್, ಅಧ್ಯಕ್ಷೆ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್, ಧಾತು ಸಂಸ್ಥೆಯ ಸಂಸ್ಥಾಪಕರಾದ ಶ್ರೀಮತಿ ಅನುಪಮ ಹೊಸ್ಕೆರೆ ಹಾಗೂ ಅನೇಕ ಗಣ್ಯರು ಹಾಜರಿದ್ದರು. ಬಂದಿದ್ದ ಗಣ್ಯರೊಂದಿಗೆ ಮುಖ್ಯಮಂತ್ರಿಗಳು ಧಾತು ಸಂಸ್ಥೆಯವರು ಆಯೋಜನೆ ಮಾಡಿದ್ದ ರಾಮಾಯಣದ ಗೊಂಬೆ ಪ್ರದರ್ಶಿನಿಗಳನ್ನು ವೀಕ್ಷಿಸಿ ಸಂಭ್ರಮಿಸಿದರು. ಧಾತು ಸಂಸ್ಥೆಯ ಸಂಸ್ಥಾಪಕಿ ಶ್ರೀಮತಿ ಅನುಪಮ ಹೊಸ್ಕೆರೆ ಹಾಗೂ ತಂಡದವರು ತುಂಬಾ ಅದ್ಭುತವಾಗಿ ರಾಮಾಯಣದ ಗೊಂಬೆ ಪ್ರದರ್ಶಿನಿಗಳನ್ನು ಆಯೋಜಿಸಿದ್ದರು. ಶ್ರೀಮತಿ ಅನುಪಮ ರವರು ತಮ್ಮ ಬೊಂಬೆ ಪ್ರದರ್ಶನದ ಮೂಲಕ ಸಾವಿರಾರು ಮಕ್ಕಳಿಗೆ ರಾಮಾಯಣದ ಕಥೆಯನ್ನು ಅದ್ಭುತವಾಗಿ ವಿವರಿಸಿದ್ದಾರೆ.

ಮುಖ್ಯಮಂತ್ರಿಗಳು, ಅತಿಥಿಗಳು ಹಾಗೂ ಬಂದ ಗಣ್ಯರನ್ನು ವೇದಿಕೆಗೆ ಆಹ್ವಾನಿಸಲಾಯಿತು. ಅದಮ್ಯಚೇತನದ ಶ್ರೀಚೇತನ ಮಹಿಳಾ ಸದಸ್ಯರು ಸ್ವಾಗತ ಗೀತೆಯನ್ನು ಹಾಡಿದರು. ಸಂಸ್ಥೆಯ ಮಹಾಪೋಷಕರು ಹಾಗೂ ಬೆಂಗಳೂರು ದಕ್ಷಿಣ ಲೋಕಸಭಾ ಸದಸ್ಯರಾದ ಶ್ರೀಯುತ ಅನಂತಕುಮಾರ್ ರವರು  ಅಧ್ಯಕ್ಷತೆ ವಹಿಸಿದ್ದರು. ಕರ್ನಾಟಕ ರಾಜ್ಯ ಗೃಹ ಮತ್ತು ಸಾರಿಗೆ ಸಚಿವರಾದ ಅಶೋಕ್, ಕನ್ನಡ ಮತ್ತು ಸಂಸ್ಕೃತಿ ಸಚಿವರಾದ ಶ್ರೀ ಗೋವಿಂದ ಕಾರಜೋಳ, ಶ್ರೀಮತಿ ವಿಮಲಾ ಗೌಡ, ಶ್ರೀ ಅರವಿಂದ ಲಿಂಬಾವಳಿ,  ಶಾಸಕರಾದ ಶ್ರೀ ರವಿಸುಬ್ರಮಣ್ಯ, ಶ್ರೀ ಬಿ.ಎನ್.ವಿಜಯಕುಮಾರ್, ಸಂಸ್ಥೆಯ ಅಧ್ಯಕ್ಷೆ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್, ನಗರಸಭಾ ಸದಸ್ಯರಾದ ಶ್ರೀ ಸದಾಶಿವ, ಶ್ರೀ ಸುಬ್ಬಣ್ಣ, ಶ್ರೀ ಸಚ್ಚಿದಾನಂದ ಮೂರ್ತಿ ಸಂಸ್ಥೆಯ ಟ್ರಸ್ಟಿಗಳು, ಇನ್ನೂ ಅನೇಕ ಗಣ್ಯರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಆಟ – ಪಾಠದ ಮಕ್ಕಳು ಸಂಸ್ಥೆಯ ಎಲ್ಲಾ ಪ್ರಕಲ್ಪಗಳನ್ನು ಪರಿಚಯಿಸಿ, ಮುಖ್ಯ ಅತಿಥಿಗಳು, ಅಧ್ಯಕ್ಷರು ಹಾಗೂ ಎಲ್ಲಾ ಗಣ್ಯರನ್ನು ಸ್ವಾಗತಿಸಿದರು. ಮಾನ್ಯ ಮುಖ್ಯ ಮಂತ್ರಿಗಳು ಮಾತನಾಡಿ ಸರ್ಕಾರಿ  ಶಾಲಾ ಮಕ್ಕಳಿಗೆ ಅದಮ್ಯ ಚೇತನದಿಂದ ಇನ್ನೂ ಹೆಚ್ಚು ಹೆಚ್ಚು ಉಪಯೋಗಗಳು ಸಿಗುವಂತಾಗಲಿ , ಸರ್ಕಾರ ದಿಂದ ಎಲ್ಲಾ ಸೌಲಭ್ಯಗಳು ಸಿಗುವ ನಿಟ್ಟಿನಲ್ಲಿ ನಾನು ಪ್ರಯತ್ನಿಸುತ್ತೇನೆ ಎಂದು ತಿಳಿಸಿದರು. ಎಲ್ಲ ಅತಿಥಿಗಳಿಗೂ ಗೌರವ ಸಮರ್ಪಣೆ ಮಾಡಲಾಯಿತು.

ಜಾನಪದ ಕೋಗಿಲೆ ಶ್ರೀ ಯುವರಾಜ್ ರವರ ಜಾನಪದ ಗೀತೆಗಳು ಈ ಉತ್ಸವಕ್ಕೆ ಮೆರುಗನ್ನು ತಂದಿತು. ಶ್ರೀಮತಿ ಉಷಾ ದಾತಾರ್ ಸಂಸ್ಥೆಯ ಮಕ್ಕಳು ಪ್ರಸ್ತುತ ಪಡಿಸಿದ ದೇಶೀ ಆಟಗಳು ಕಣ್ಮನ ತಣಿಸುವಂತಿತ್ತು. ನಮ್ಮ ದೇಶ, ನಮ್ಮ ಸಂಸ್ಕೃತಿಯ ಬಗ್ಗೆ ಯುವ ಕಲಾವಿದರ ರಾಕ್  ಬ್ಯಾಂಡ್ ರವರ ಜಾಗೃತಂ ತಂಡದವರ ದೇಶ ಭಕ್ತಿ ಗೀತೆಗಳು ಮೈನವಿರೇಳಿಸುವಂತಿತ್ತು. ಬಾಲಕರಿಂದ ವೃದ್ಧರವರೆಗೂ ದೇಶಭಕ್ತಿ ಗೀತೆಗೆ ವೇದಿಕೆಯ ಮೇಲೆ ಹೆಜ್ಜೆ ಹಾಕಿದ್ದು ವಿಶೇಷವಾಗಿತ್ತು. ಶ್ರೀ ಅಸಾದುಲ್ಲಾ ಬೇಗ್ ರವರ ಹಾಸ್ಯ ಹರಟೆಯಲ್ಲಿ ಪ್ರೇಕ್ಷಕರು ನಗೆಕಡಲಲ್ಲಿ ತೇಲುವಂತಾಯಿತು. ಸ್ವರಸಿಂಚನ ತಂಡದ ಶ್ರೀಮತಿ ಪದ್ಮಿನಿ ಮತ್ತು ಸಂಗಡಿಗರ ಸ್ವರ ಮಾಧುರ್ಯಕ್ಕೆ ಕುಂಚ ಬ್ರಹ್ಮ ಡಾ.ಬಿ.ಕೆ.ಎಸ್.ವರ್ಮ ರವರ ಕೈಚಳಕದಿಂದ ಬಂದ ಚಿತ್ರಗಳು ಮೂಕವಿಸ್ಮಿತರನ್ನಾಗಿ ಮಾಡಿತು. ನಮ್ಮ ಸಂಸ್ಕೃತಿಯನ್ನು ಬಿಂಬಿಸುವ ವೇದಪಠಣ, ಜೊತೆಗೆ ಶ್ರೀ ಭುಟ್ಟೋ ಮತ್ತು ಶ್ರೀ ಅರುಣ್ ರವರ ವಾದ್ಯಗಳ ಲಯತರಂಗದೊಂದಿಗೆ ವಂದೇ ಮಾತರಂ ಗೀತೆ ಅಮೋಘವಾಗಿ ಮೂಡಿಬಂದಿತ್ತು. ನೆರೆದಿರುವ ಎಲ್ಲಾ ಪ್ರೇಕ್ಷಕರಿಗೂ ಸಂಸ್ಥೆಯ ಪ್ರಧಾನ ಪೋಷಕರಾದ ಶ್ರೀ ಅನಂತಕುಮಾರ್, ನಿವೃತ್ತ ರಾಜ್ಯಪಾಲ ಶ್ರೀ ರಾಮಾ ಜೋಯಿಸ್ ಹಾಗೂ ಇತರ ಗಣ್ಯರೊಂದಿಗೆ ನಮ್ಮ ದೇಶ, ನಮ್ಮ ಸಂಸ್ಕೃತಿಯ ಬಗ್ಗೆ ಪ್ರತಿಜ್ಞಾ ವಿಧಿಯನ್ನು ಕೈಗೊಳ್ಳಲಾಯಿತು. ಎಲ್ಲಾ ಕಾರ್ಯಕ್ರಮಗಳನ್ನು ಅಚ್ಚುಕಟ್ಟಾಗಿ ನಿರೂಪಿಸಿದ ಶ್ರೀಮತಿ ಅಪರ್ಣ ಮತ್ತು ಶ್ರೀ ಹರೀಶ್ ರವರ  ನಿರೂಪಣಾ ವೈಖರಿ ಶ್ಲಾಘನೀಯವಾಗಿತ್ತು.

ಜನವರಿ 1ರಂದು ‘ರಾಮಾಯಣ ಮೇಳ’ , ರಾಮಾಯಣದ ಜಾತ್ರೆ ರೀತಿ ಇತ್ತು. ಎಲ್ಲೆಲ್ಲೂ ಹನುಂತನ ವೇಷಧಾರಿಗಳು, ರಾಕ್ಷಸರ ವೇಷಗಳು ಹೀಗೆ ಹತ್ತು ಹಲವು ವೇಷಗಳು ನೆರೆದ ಮಕ್ಕಳನ್ನು, ಸಾರ್ವಜನಿಕರನ್ನು ರಂಜಿಸಿದವು. ಈ ರಾಮಾಯಣ ಹಬ್ಬದಲ್ಲಿ ಸಂಪೂರ್ಣ ರಾಮಾಯಣದ ಬೊಂಬೆ ಪ್ರದರ್ಶನ ಮತ್ತು ಕಥೆ, ಭರತನ ರಾಮ ಪಾದುಕೆ ಪರಿಕ್ರಮ, ಚಿತ್ಕಲಾ ನೃತ್ಯ ತಂಡದಿಂದ ನೃತ್ಯ ಪ್ರದರ್ಶನ, ತೊಗಲು ಬೊಂಬೆಯಾಟ, ರಾಮಾಯಣ ಶ್ಲೋಕ, ರಾಮಾಯಣ ಚಿತ್ರಣ, ಕಲೆ ಮತ್ತು ಸಂಸ್ಕೃತಿ, ರಾಮಾಯಣದ ಮುಖವಾಡ, ಮಕ್ಕಳಿಗಾಗಿ ರಸಪ್ರಶ್ನೆ, ಇತ್ಯಾದಿ ಅನೇಕ ವಿಶೇಷ ಕಾರ್ಯಕ್ರಮಗಳು ಬೆಳಗ್ಗೆ 10 ಘಂಟೆಯಿಂದ ಸಂಜೆ 7.30ರವರೆಗೆ ನಡೆದವು. ಗ್ರಾಮೀಣಾಭಿವೃದ್ಧಿ ಸಚಿವರಾದ ಶ್ರೀ ಜಗದೀಶ್ ಶೆಟ್ಟರ್, ಸಂಸದ ಶ್ರೀ ಅನಂತಕುಮಾರ್, ಸಂಸ್ಥೆಯ ಅಧ್ಯಕ್ಷೆ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್, ಧಾತು ಸಂಸ್ಥೆಯ ಶ್ರೀ ಅನುಪಮ ಹೊಸ್ಕೆರೆ ಹಾಗೂ ಅನೇಕ ಗಣ್ಯರು ಭಾಗವಹಿಸಿದ್ದರು. ಸಹಸ್ರಾರು ಸಂಖ್ಯೆಯಲ್ಲಿ ಸಾರ್ವಜನಿಕರು ಕಾರ್ಯಕ್ರಮಗಳನ್ನು, ಪ್ರದರ್ಶಿನಿಗಳನ್ನು ವೀಕ್ಷಿಸಿದರು.

ಜನವರಿ 2ರಂದು ಈ ರಾಮಾಯಣ ಮೇಳವನ್ನು ವಿಸ್ತರಿಸಲಾಯಿತು. ಸಂಸ್ಥೆಯ ಈ ವಾರ್ಷಿಕೋತ್ಸವದಲ್ಲಿ ರಾಮಾಯಣದ ಬಗ್ಗೆ ಮಕ್ಕಳಿಗೆ ತಿಳಿಸುವ ಉದ್ಧೇಶದಿಂದ ಬಸವನಗುಡಿ ಸುತ್ತಮುತ್ತ ಇರುವ ಎಲ್ಲಾ ಶಾಲೆಗಳಿಗೂ ಬಿ.ಇ.ಒ. ಅನುಮತಿ ಮೇರೆಗೆ ಪ್ರದರ್ಶಿನಿ  ವೀಕ್ಷಣೆಗೆ ಕರೆಸಲಾಗಿತ್ತು. ಸುಮಾರು 15 ಶಾಲೆಗಳಿಂದ ಸುಮಾರು 2000 ಮಕ್ಕಳು ರಾಮಾಯಣ  ಪ್ರದರ್ಶಿನಿಗಳನ್ನು  ವೀಕ್ಷಿಸಿದರು. ಎಲ್ಲಾ ಮಕ್ಕಳಿಗೂ ಪ್ರತಿ ಪ್ರದರ್ಶಿನಿಯಲ್ಲೂ ಆಯಾ ಪ್ರದರ್ಶಿನಿಯ  ರಾಮಾಯಣದ ಕಥೆಯನ್ನು ವಿವರಿಸಲಾಯಿತು. ಮಕ್ಕಳಿಗೆ ರಸಪ್ರಶ್ನೆಯಲ್ಲಿ ರಾಮಾಯಣದ ಬಗ್ಗೆ ಪ್ರಶ್ನೆಗಳನ್ನು ಕೇಳಲಾಯಿತು. ಮಕ್ಕಳು ಆಸಕ್ತಿಯಿಂದ ಭಾಗವಹಿಸಿದರು, ತಮ್ಮ ಅನಿಸಿಕೆಗಳನ್ನು ಬರೆದರು.

ADAMYA UTSAVA-INVITATION

ಅದಮ್ಯ ಚೇತನ ಉತ್ಸವ

ದಿನಾಂಕ 3.12.2012ರಂದು ನ್ಯೂ ಎರ ಕನ್ಸಲ್ಟೆನ್ಸಿ ಸಂಸ್ಥೆಯವರು 18ನೇ ವಾರ್ಷಿಕೋತ್ಸವ  ಸಲುವಾಗಿ ಅದಮ್ಯ ಚೇತನದ ಅನ್ನಪೂರ್ಣ ಶಾಲೆಯಾದ ಅತ್ತಿಗುಪ್ಪೆ ಸ.ಹಿ.ಪ್ರಾ.ಶಾಲೆ ಮತ್ತು ಪ್ರೌಢ ಶಾಲೆಯ ಮಕ್ಕಳಿಗೆ ಊಟವನ್ನು ನೀಡಿದರು.  ನ್ಯೂ ಎರ ಕನ್ಸಲ್ಟೆನ್ಸಿ ಸಂಸ್ಥೆಯ Vice President  ಆದ ಶ್ರೀಯುತ ಪುನೀತ್ ಅರೋರ ರವರು, ಸಂಸ್ಥೆಯ ಮುಖ್ಯಸ್ಥರಾದ ಶ್ರೀಮತಿ ಅನ್ನಪೂರ್ಣರವರು, ಮತ್ತು ಸುಮಾರು 35 ಜನ ಸಿಬ್ಬಂದಿ ವರ್ಗದವರು ಶಾಲೆಗೆ ಭೇಟಿ ಕೊಟ್ಟು ಮಕ್ಕಳಿಗೆ ಊಟ ಬಡಿಸಿದರು.

ಸರ್ಕಾರಿ  ಪ್ರೌಢ ಶಾಲೆ, ಅತ್ತಿಗುಪ್ಪೆಯಲ್ಲಿ ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.  ಮಕ್ಕಳು ನೃತ್ಯ, ಏಕಪಾತ್ರಾಭಿನಯ, ದೇಶಭಕ್ತಿ ಗೀತೆಯನ್ನು ಹಾಡಿದರು.

ಅದಮ್ಯ ಚೇತನ ಸಂಸ್ಥೆಯ ಟ್ರಸ್ಟಿಗಳಾದ ಶ್ರೀ ವೇದವ್ಯಾಸ ಭಟ್ ರವರು  ಆಗಮಿಸಿ ಅದಮ್ಯ ಚೇತನದ ವಿಶೇಷ ಬೋಧನಾ ತರಗತಿಗೆ ಆಸಕ್ತಿ ಇರುವವರು ಮಕ್ಕಳಿಗೆ ಗಣಿತ, ವಿಜ್ಞಾನ ಮತ್ತು ಇಂಗ್ಲೀಷ್ ಸಂಭಾಷಣೆ ಕಲಿಸಲು ಬರಬೇಕಾಗಿ ತಿಳಿಸಿ, ಸಂಸ್ಥೆಯೊಂದಿಗೆ ಇದೇ ರೀತಿ ಉತ್ತಮ ಬಾಂಧವ್ಯ ಮುಂದುವರೆಸಬೇಕೆಂದು ತಿಳಿಸಿದರು.

ಶ್ರೀಮತಿ ಶಾಂತಾಕುಮಾರಿಯವರು ಸಂಸ್ಥೆಯ ಕಾರ್ಯ ಚಟುವಟಿಕೆಯ ಬಗ್ಗೆ ತಿಳಿಸಿದರು.  ನಂತರ ಎಲ್ಲಾ ನ್ಯೂ ಎರ ಕನ್ಸಲ್ಟೆನ್ಸಿ ಕಂಪೆನಿಯ ಸಿಬ್ಬಂದಿವರ್ಗದವರು ಮಕ್ಕಳೊಂದಿಗೆ ಊಟ ಮಾಡಿ ಅದಮ್ಯ ಚೇತನಕ್ಕೆ ಅಭಿನಂದನೆ ಸಲ್ಲಿಸಿದರು.

ಆಟ – ಪಾಠ ಶಿಬಿರದ ವರದಿ

ಅದಮ್ಯ ಚೇತನ ಸಂಸ್ಥೆ ಕಳೆದ ಹಲವಾರು ವರ್ಷಗಳಿಂದ ಅನೇಕ ಪ್ರಕಲ್ಪಗಳ ಮೂಲಕ ಅನ್ನ – ಅಕ್ಷರ – ಆರೋಗ್ಯ  ಕ್ಷೇತ್ರದಲ್ಲಿ  ಸಾಮಾಜಿಕ ಕೆಲಸಗಳನ್ನು ಮಾಡುತ್ತಾ ಬಂದಿದೆ.  ಸಂಸ್ಥೆಯ ಪ್ರಕಲ್ಪವಾದ ಆಟ – ಪಾಠ ಶಿಬಿರವು ಸರ್ಕಾರಿ ಹಿರಿಯ ಮಾದರಿ ಪ್ರಾಥಮಿಕ ಶಾಲೆ, ಬೊಮ್ಮನಹಳ್ಳಿಯಲ್ಲಿ ನಡೆಯಿತು.

ದಿನಾಂಕ 09.12.2011 ರಂದು ಆಟ – ಪಾಠ ಶಿಬಿರದ ಸಮಾರೋಪ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.  ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಸಂಸ್ಥೆಯ ಅಧ್ಯಕ್ಷರಾದ ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್ ಆಗಮಿಸಿದ್ದರು.  ಶ್ರೀಮತಿ ಹಸೀನಾ ತಾಜ್, ನಗರ ಪಾಲಿಕೆ ಸದಸ್ಯರು, ಮಂಗಮ್ಮನ ಪಾಳ್ಯ, ಶ್ರೀಮತಿ ಲತಾ ನರಸಿಂಹ ಮೂರ್ತಿ, ನಗರಪಾಲಿಕೆ ಸದಸ್ಯರು,  ಶ್ರೀಮತಿ ವಿಜಯಲಕ್ಷ್ಮಿ, ಬಿ.ಜೆ.ಪಿ. ಮಹಿಳಾ  ಮೋರ್ಚಾದ ಅಧ್ಯಕ್ಷರು ಮತ್ತು ಶ್ರೀ ಸಲಾಂ, ಸಮಾಜ ಸೇವಕರು ಹಾಗೂ ಬಿ.ಜೆ.ಪಿ. ಮುಖಂಡರು ಆಗಮಿಸಿದ್ದರು.  ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಲೆಯ ಮುಖ್ಯೋಪಾಧ್ಯಾಯರಾದ ಶ್ರೀ ಕೃಷ್ಣಮೂರ್ತಿ ವಹಿಸಿದ್ದರು. ಮಕ್ಕಳು ಕೇವಲ 2 ದಿನದಲ್ಲಿ ಕಲಿತಂತಹ ನಾಟಕ, ಕರಕುಶಲತೆ, ಹಾಡು, ನೃತ್ಯಗಳನ್ನು  ವೇದಿಕೆಯ ಮೇಲೆ ಅಮೋಘವಾಗಿ ಪ್ರದರ್ಶಿಸಿದರು.

ಶ್ರೀಮತಿ ತೇಜಸ್ವಿನಿ ಅನಂತಕುಮಾರ್ ಮಾತನಾಡಿ, ನಾನು ಸಹ ಸರ್ಕಾರಿ ಶಾಲೆಯಲ್ಲಿಯೇ ಓದಿದ್ದೇನೆ, ‘ಆಟ – ಪಾಟ – ಊಟ, ದಿನಕ್ಕೊಂದು ಪುಟ’ ಇದು ಸಂಸ್ಥೆಯ ಧ್ಯೇಯ ವಾಕ್ಯ ಎಂದು ತಿಳಿಸಿ ಮಕ್ಕಳನ್ನು ಪ್ರೋತ್ಸಾಹಿಸಿದರು