ಈ ಸಂದರ್ಭದಲ್ಲಿ ಹಸಿರು ಜೀವನ ಶೈಲಿಯ “ಪ್ಲೇಟ್ ಬ್ಯಾಂಕ್”, ಗಂಟೆಗೆ ೧೫೦೦೦ ಚಪಾತಿ ತಯಾರಿಸುವ ಸ್ವಯಂಚಾಲಿತ ಯಂತ್ರ ಹಾಗೂ ನಿತ್ಯ ಅನ್ನದಾನ ಕಾರ್ಯಕ್ರಮಗಳನ್ನು ಪ್ರಾರಂಭಿಸಲಾಗುತ್ತಿದೆ.

ಜನ್ಮದಿನದ ಸಂಭ್ರಮದಲ್ಲಿ ರಾಜಸ್ಥಾನದ ಮಂತ್ರಿಗಳಾದ ಶ್ರೀ ಕೆ. ಕೆ. ಬಿಷ್ಣೋಯಿ, ಶ್ರೀ ಜೋಗಾರಾಮ್ ಪಟೇಲ್‌, ಶ್ರೀ ಜೋರಾರಾಮ್ ಕುಂಭಾವತ್, ಮತ್ತು ಶಾಸಕರಾದ ಶ್ರೀ ಅತುಲ್ ಬನ್ಸಾಲಿ, ಶ್ರೀ ದೇವೇಂದ್ರ ಜೋಶಿ, ಶ್ರೀ ಮಹೇಂದ್ರಸಿಂಗ್‌ ರಾಠೋಡ್‌, ರಾವಣಾ ರಜಪೂತ ಸಮಾಜದ ಅಧ್ಯಕ್ಷರಾದ ಶ್ರೀ ರಾಜೇಂದ್ರ ಸಿಂಗ್ ಮುಂತಾದವರ ಜೊತೆಗೆ ಕರ್ನಾಟಕದ ಸಂಸದರಾದ ಶ್ರೀ ಗೋವಿಂದ ಕಾರಜೋಳ ಮುಂತಾದ ಗಣ್ಯರು ಭಾಗವಹಿಸಲಿದ್ದಾರೆ.

 

ಅನಂತಕುಮಾರ್‌ ಅವರು ಪರಿಸರದ ರಕ್ಷಣೆಗೆ ಪೂರಕವಾಗಿ ಹಸಿರು ಜೀವನಶೈಲಿಯನ್ನು ಅಳವಡಿಸಿಕೊಳ್ಳಲು ಸಸ್ಯಾಗ್ರಹ ಆಂದೋಲನಕ್ಕೆ 2015ರಲ್ಲಿ ಕರೆ ನೀಡಿದ್ದರು. ಅದೇ ವರ್ಷ ಅವರ ಜನ್ಮದಿನವಾದ ಸೆಪ್ಟೆಂಬರ್‌ 22 ರಂದು ಬಿ.ಪಿ ವಾಡಿಯಾ ರಸ್ತೆಯ ಅನಂತವನದಲ್ಲಿ ರುದ್ರಾಕ್ಷಿ, ಕದಂಬ, ಬಿಲ್ವ ಮುಂತಾದ ವಿಶೇಷ ಗಿಡಗಳನ್ನು ನೆಟ್ಟಿದ್ದರು. ಇಂದು ಆ ಗಿಡಗಳು 30 ಅಡಿಗಿಂತಲೂ ದೊಡ್ಡದಾಗಿ ಬೆಳೆದು ಆ ಪ್ರದೇಶ ಹಸಿರುಮಯವಾಗಿ ಸುಂದರ ವನವಾಗಿದೆ. ಈ ತಿಂಗಳ 22 ರಂದು ಬೆಳಿಗ್ಗೆ ಅನಂತವನದಲ್ಲಿಯೂ ಗಿಡ ನೆಡುವ ಕಾರ್ಯಕ್ರಮದ ಮೂಲಕ ಜನ್ಮ ದಿನವನ್ನು ಆಚರಿಸಲಾಗುವುದು. ಸೌತ್‌ಎಂಡ್‌ ವೃತ್ತದಲ್ಲಿ ಅನಂತಕುಮಾರ್ ಅವರ ಸ್ಮರಾಣಾರ್ಥವಾಗಿ ನಿರ್ಮಿಸಿರುವ ಬೆಂಗಳೂರಿನ ಅನಂತ ಪ್ರೇರಣಾ ಕೇಂದ್ರದಲ್ಲಿಯೂ ಬೆಳಿಗ್ಗೆ 11 ಗಂಟೆಗೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಪ್ರತಿನಿತ್ಯ ಅನ್ನದಾನ ನಡೆಯುವ ಸ್ಥಳಗಳಾದ ಬೆಂಗಳೂರಿನ ಅದಮ್ಯ ಚೇತನ, ಜಯನಗರ 4 ನೇ ಹಂತ ಕನ್ನಡ ಕಟ್ಟೆ, ನಗರ್ತಪೇಟೆಯ ನಗರೇಶ್ವರ ದೇವಸ್ಥಾನ, ಹಲಸೂರಿನ ಲೇಕ್‌ ವ್ಯೂ ಮಹಾಗಣಪತಿ ದೇವಸ್ಥಾನ, ಲಾಲ್‌ಬಾಗ್‌ ಪಶ್ಚಿಮ ದ್ವಾರದ ಅನಂತಸೃತಿ ವನದಲ್ಲಿ ಆಚರಿಸಲಾಗುವುದು.

 

ಹುಬ್ಬಳಿಯ ಅದಮ್ಯ ಚೇತನ, ಅನಂತ ಪ್ರೇರಣಾ ಕೆಂದ್ರ, ಕಲಬುರಗಿಯ ಅದಮ್ಯ ಚೇತನ, ಅನೇಕ ಶಾಲಾ ಕಾಲೇಜುಗಳಲ್ಲಿಯೂ ಜನ್ಮದಿನವನ್ನು ಆಚರಿಸಿಲಾಗುತ್ತಿದೆ.