ಪ್ರತಿ ಭಾನುವಾರ ಹಸಿರಿನ ಹಬ್ಬ – ಹಸಿರು ಯೋಧರೊಂದಿಗೆ ಹಸಿರು ಭಾನುವಾರ

ಹಸಿರು ಭವಿಷ್ಯ ನಿರ್ಮಾಣದ ಕನಸನ್ನು ಜೀವಂತಗೊಳಿಸುತ್ತಿರುವ ಅದಮ್ಯ ಚೇತನದ 502ನೇ ಹಸಿರು ಭಾನುವಾರ ಕಾರ್ಯಕ್ರಮವು, ಬೆಂಗಳೂರಿನ ಸರ್ ಎಂ. ವಿಶ್ವೇಶ್ವರಯ್ಯ ಲೇಔಟ್ 1ನೇ ಬ್ಲಾಕ್‌ ನೀರಿನ ಟ್ಯಾಂಕ್ ಸಮೀಪದ ಆವರಣದಲ್ಲಿ ಯಶಸ್ವಿಯಾಗಿ ನೆರವೇರಿತು.
ವೃಕ್ಷಾರೋಪಣ, ಸ್ವಚ್ಛತಾ ಕಾರ್ಯ ಮತ್ತು ಪರಿಸರ ಜಾಗೃತಿ ಚಟುವಟಿಕೆಗಳಲ್ಲಿ ಭಾಗವಹಿಸಿದ ಪರಿಸರ ಸ್ನೇಹಿಗಳ ಉತ್ಸಾಹವು ಈ ದಿನವನ್ನು ವಿಶೇಷಗೊಳಿಸಿತು.

ಪರಿಸರದ ರಕ್ಷಣೆಗೆ ಬದ್ಧತೆಯನ್ನು ಪ್ರತಿಬಿಂಬಿಸಿದ ಈ ಸ್ಮರಣೀಯ ಕಾರ್ಯಕ್ರಮದಲ್ಲಿ, ಹಸಿರು ಯೋಧರಿಂದ ಹಿಡಿದು ಅದಮ್ಯ ಚೇತನದ ಸಿಬ್ಬಂದಿಗಳು, ಸ್ವಯಂಸೇವಕರು, ಪರಿಸರ ಅಭಿಮಾನಿಗಳು ಮತ್ತು ಸ್ಥಳೀಯ ನಾಗರಿಕರು ಭಾಗವಹಿಸಿದ್ದರು.